呢一兩星期，每對情侶之間多了一個共通點：
就是情侶睇戲之選一定係Captain America: Civil War.
我同大部分女朋友一樣，
其實我都係為左陪男朋友睇先睇咖咋。
一直我連個戲名都未搞得清
淨係知道：哦有套英雄片就快上啦～男朋友話想睇喎。
睇宣傳都知道有Eric Kwok同Captain America既
當然我仲識得分主要果幾個英雄既樣啦
但去到配角少少果D，就唔好考我啦～
（而且我有外國人面面盲症，外國人對我來說是一樣樣）
其實英雄片對我來說 每套都係獨立咖
我期望每次入去唔洗理前傳外傳乜乜乜都可以明
但明顯係唔得。每次都係要將幾套片串來串去
您無啦啦link番兩年前做果集D劇情 做乜姐
唉，其實我睇完就唔記得咖啦
記得曾經同男朋友一齊睇蟻俠
最後好似有個Captain American出現過既男配角定咩
我男朋友好興奮話 嘩呢個人點點點乜乜乜
我半粒字都唔明。
其實我唔係討厭睇英雄片
只係每次我都睇唔明。
我連D樣貌都未搞掂，更何況佢地千絲萬縷既關係
睇英雄片，好累。
除左睇到一頭霧水之外，
睇完男朋友又會講解番半個鐘果D複雜關係圖。
不過～由於我係您善良體貼的女朋友..
我還是會陪您睇啦
#CaptainAmerican #CivilWar #EricKwok #Ironman
Search